belize - schlangebezwinger u schweisser

in belize city heimer ändlech eine gfunge, wo üses chassis cha flicke. u zwar dasmau so, dases hebt :-). mir hei es hotelzimmer gno u dr ferdy sowit entlade, das de o keni chleidigsstück schmürzele, wenn dr herr schweisser e chli lang am iiheize isch :-). wi überau in süd- u zentrauamerika heimer o hie d ersatzteili säuber müesse ga bsorge. drum simer, während däm, das dr ferdy gschweisst u verstercht isch worde, ir stadt umegloffe u hei e satz stossdämpfer bsorgt.

am nächste tag heimer dr ferdy mit suberer schweissnaht u guet gstercht wider dörfe ga abhole. ändli mau eine, wo gueti büez het gmacht. mir si heilfroh, langsam hets afa närvä, das ds gliche teil am chare geng mehrmaus muesch la flicke, nur wousis nid suber mache.

dr schweisser het nur ei chliinigkeit "vergässe" ds erwähne: er het d'brämsschlüch zum schweisse müesse uftue. das heimer du när o gmerkt, womer uf di ersti chrützig zuegha hei. toll, 1,5 tag outo bim schweisser, teili bsorgt u när das: wider e garage sueche (dr schweisser cha weder brämsflüssigkeit iifülle no entllüfte).

churz drufabe heimer eine gfunge, wonis o das gmacht het. mir si du när richtig mexico gstartet, woumer ire wuche bsuech vo eläs schwöschterli erwarte :-).

ungerwägs heimer no e irre iiheimische troffe, wo sech säuber dr gilbert usher u "steve irwin vo belize" nennt. är het es paar schlange und e dressierte waschbär :-). är het vor jahre e biss vore viper überläbt u mueses mindestens au füf minute erwähne. er het üs aui sini schlange zeigt, d zitigsartikle über si schlangebiss woner überläbt het u het üs si waschbär la schöösele. lustige churzufenthaut gsi im chliine belize :-).