buenos aires

nachemne agnähmä flug (naja, d römer bim zwüschestopp interpretiere das e chli speziell)...

simer guet in buenos aires aacho... dr macho zwar mit chli weniger sache im gepäck (d flughafemitarbeiter hei o iri bedürfnis) hihi. bim sabsi fähle nur d pedau vom velo ;-)

dr papierkram füre ferdy heimer no am glîiche tag chönne erledige u aus highlight heimer gäut imne "sehr" legale wächsubüro gwächslet - mir si sparsam ungerwägs u wemer dopplet so viu wi bir bank bechöme, de....

buenos aires isch sehr lut u hektisch, aber mir hei glich zwe drei grüeni oase gfunge womer dene 30 grad am schatte chöi fröhne