chile!!!

ar gränzä zu chile simer mau so richtig usnang gno worde, hihi.

hei adä gränzä zwüschä argentiniä u chile scho chli aus gha bis ize: zollbeamti mit hünd wonis dürsuecht hei, serigi wodi eifach dürewinkä u iz dä: e chlinä, würkli nätti eutere herr het üsä ferdy dürsuecht.

är het sicher e ganzi stung am ferdy dörfä umäniflä u dedes schublädli, fächli u chischtli uftue (insider @ patric: hei, mini chleidär heter nid dörfä aalängä :-)). zum glück heimer geng wi geng ufm formular aagä, mir heigi illegali sachä derbi :-). das isch hie ein muss, süsch gits empfindläch höchi buessä!

mir si eigentli "suber" gsi, abär äbä nur eigentli. dr zollbeamt het äs chili gwürz i üsere chuchi gfungä mit ganzä chörndli dinne - ahnschinänd strängstens verbote. das heimer müesse abgä. wemer nid aagä hättä, mir heigä "illegali" sachä derbi (obwou me ja nie gnau weis, was iz ok isch u was nid), hätte mer üses reisebudget sicher umnes jahr bis zwöi kürzt becho....

punkt genau ar gränzä zu chile het de o d landschaft totau gändärät: hiä isch sogenannt chautä rägäwaud. auäs isch sehr üppig grüän, äs het wassärfäu adä vulkän wo wulkebehangä si u natürli dr typisch rägäwaud hochnäbu. mir hei es idyllischs plätzli im naturreservat vo rio simpson gfungä. diräkt amnä fluss, womer üsäs dusch- u abwäschwasser chöi ga hole.

d fahrt a das plätzli het überne sehr auti houz-hänge-brügg gfüert, wo weder aagä isch gsi, wi höch, no wi schwär me darf si. dr ferdy hets gad gschafft: 2cm höcher u mir wärä uf däm marodä ding blibä steckä :-).

zwüschinä chöme d chilenä a "üsäm" fluss cho fischä - hiä isch flöigäfischä mega dr voukssport. i dere region si d lüt wider sehr offä u hiufsbereit u chöme amigs chli zueder cho plöidärlä.