honduras - mir si gad e chli verliebt

honduras isches wunderbars fläckli ärdä. mir heinim e churzbsuech abgstattät. nach dr schwülä hitz in nicaragua heimer üs in honduras zum nationaupark "la tigra" ufgmacht. är isch e chli erhöht u so heimer di aagnähme rund 28 grad düre tag u herrlächä 20 grad ir nacht richtig gnossä. mir gäbes ja zue: "nume" 20 grad am abe simer üs definitiv nümme gwöhnt u womer am abe no es bierli gnossä hei, heimer doch di dickä pullis u di längä kuschligä trainerhosä montiert :-).

dr nationaupark het im wahrschtä sinn vom wort üs allei ghört. mir si di einzigä bsuecher gsi. d wanderig het üs während rund 5 stung zersch dürä näbubehangnig rägäwaud gfüehrt. när isches steil abwärts gangä anä wasserfau. der heimer rascht gmacht u chli afa proviant verputzä - me wott ja nid di ganz zit sones schwärs ruckseckli mitsech umeschleipfä :-).

dr wäg het üs a verschidnigä hüglä entlang gfüehrt bis zumne ussichtspunkt. vo dert us isches när e haubi ewigkeit uuuu mega steil ufwärts gangä. mann hei mir g'chüchät bi derä luftfüächtigkeit :-). es het aber herrlech guet ta, nach so lang nume heiss e chli abwächslig z'ha u o bewegigstechnisch mau nüt im wasser ds machä (d schwümmhütli sisech am zrügg bildä - grins).

am nächste tag simer witer richtig copan. dert si maya ruine ds gse. ä ehemaligi stadt. mir si aber zersch öppe 20km is hingerland gfahre. dert heimer gwüsst, dasmä bi de heisse quelle vomne vulkan cha campä, weme d bsitzer lieb fragt :-). i verschidnige tümpäli, bächli u pools am hoger obe heimers üs so richtig chönne la guet ga u üsi verspanntä scheichli vom wandere im heisse wasser la plampä.

am nächste morge simer wider uf copan düsät um di maya stadt ds bsuechä. d ruinä si zwar nümm sooo guet erhaute gsi, aber dank dr restauration vode iiheimische isches mega e iidrücklechi ruinästadt! föteli si wi geng im register föteli - enjoy!

adios