sehr tourischtäfründläch das land - jawolllll!

mir hei i vorhärigä biiträg scho mehrmaus erwähnt, dases in argentinie überau di inländischä läbäsmittugränze git.

vor churzem simer aber de scho mau gad e chli is dribblä cho, wou das isch nid aus.

da argentinie sech ire inflation befindet, isches würkli schwär, a bargäld ds cho! vo 20 bancomatä spuckt mit viu glück einä e chli bargäut usä. bargäud isch drum so wichtig, wousi mängisch i ganzä regionä nur "efectivo" (bargäld) nämä. ds problem isch, das jedi person e tageslimite zum abhäbä het. bishär heimer bi jedere glägeheit mit jedem chärtli chönne abhäbe u de simer häbchläp bis zum nächste "glücksoutomat" dürecho.

sitmer aber vo chile wider iigreist si, het ke bancomat me wöue gäud usspucke. mir si du när ufd bank (si het sogar mau offe gha!)* u gfragt, obsi üs nid chönni am schauter öppis gä. es het de nume gheisse "no dinero para extranjeros" (ke gäut für usländer) u der outomat wärdi de am nami usgfüllt u weme früe gnue id schlangä stöngi, chönne mer de o chf 20.- abhäbä faus si üsi charte akzeptiere. na toll! di iiheimische stöh amigs scho am morge früe vorem bancomat u warte uf di namitaglechi füllig. leider hets no nie für aui glängt.

mir si du när witergfahre, wou mer weder diesel ar tanksteu oder läbesmittu u getränk hei becho. ds problem isch gsi, dasmer trotz mehrerne hundert kilometer fahre niene glück hei gha.

schlussändlech simer widermau unerwartet ane läbesmittugränzä cho u de heisi üs ono ds ässä wöue furtnä.

isch aso scho seeehr tourifründlech, wesi der ke chole gäbe, ds ässe u trinke quasi verweigere, tanke o nur gäge bares u schlussändlech weisi dr ono di letschtä läbesmittu usem charä nä. sit denne frage mer üs nümme, wieso dases hie so viu grossi geier het, wo über de mönsche kreise - es cha ja nur no um stunge ga :-).

*äs isch absolut normau, das di agsteute, wesi nid möge schaffä, zwar im ladä oder ir bankfilialä si, aber d türe nid uftüe u dinne gmüetlech e schwatz haute. houptsach, si si ume. mängisch mache si o gar nid uf über mehreri tag, wousi eifach ke lust zum arbeite hei :-)