tierliparadies (Valdés Peninsula - Puerto Piramides)

üs hets witerzoge richtig valdés peninsula ufne idyllischi haubinsle imne nationalpark - zum puerto piramides. wiud campä isch hie z'erschtä mau nid erloubt, jedoch het dr camping municipal no gschlosse, woud saison ersch i es paar tag afat. argentinischi lösig: eifach gratis ds gländ nutze - duschi u wc si ja sowieso zue :-). das isch perfekt für üs u üsäs reisebudget. hei es gäbigs plätzli gfunge u chöi vo da us tagesusflüg startä. d haubinsle isch landschaftläch - ussert ar küschtä entlang - nid wüüürklech es highlight, grins. aber derfür hets e tierwäut - mir sägä euch: eifach grandios!

äs het jedi mängi frei umerennendi guanacos (ä art lama). ds sabsi het ire spass a dene vicher gha u isch miter kamera quer über düne gflitzt, um di schüche tierli z fötele. dr elä hets fasch krümmt vor lache, wous sabsi anstatt im indianischä schlichgang (ja papi, i weiss, dä hätsch mer eigentli biibracht, hihi) mitere mega stoubwulke, ide flipflops u mit der kamera bewaffnet es herrlechs biud het abgä bim guanacos "jagä" :-).

speter heimer ganz viu seelöiä, adlär, pinguine u reptilie chönne beobachte. us einte oder angära vichli ischis sogar no vord kameralinse ghopsät :-).

dr elä het du när füre heiwäg wöue ds velo nä (d strasse si ja hie bekanntlech nid asphaltiert u so schöööön mit wäubläch u sang zämä baschtlät) u heit veiächli d wadli brucht, um di 50km wäg gägä wind ds schaffä :-). d madame hetsech für di "gsittätäri" variante entschide us camp fürd nacht ufbout u pilates amne windstille ort vorzoge.

salut u bis gli

eui reisefüdlis

ps:witeri föteli unger fötäli --> argentiniä