titicacasee u zwe brochni stossdämpfär

üses nächste ziu isch dr titicacasee gsi. vo boliviä us heimer am seeufär ä "fährä" müesse nä für ufd haubinslä ds cho, wos stedli copacabana ligt. naja, ä fährä i üsem begriff ischäs nid würkli gsi u üsä arm ferdy het mau wider eine dörfä mitmachä (fötäli ungä).

am titicacasee heimer d idylle gnosse u e chli sunne tanket. zersch simer ufämnä camping platz gsi, wo üs aber nid soooo viu z biete het gha - fötäli vom wc sägä gloub auäs :-).

mir si du när ufd peru site vom see gangä u hei es wiudcamp gschlagä. es isch ire bucht ir nöchi vomne chline dörfli gsi. di iiheimische fischer si zwüschdüre chli cho plöiderle u zwe dervo heisech sogar gwagt, e sprützfahrt mit üsne kajak z mache. di hei ä heidäfreud gha.

leider het innerhaub chürzister zit ds ganze dorf gwüsst, dass usländer am seeufär campä u si cho verbiluege. ds problem in peru isch e chli, das si geng gad wei wüsse, wasmer für was zaut hei unis diverses hei wöue abchoufä. es si sehr armi lüt u hei zum teil nidmau strom. si fasch beleidigt gsi, dasmernä üses solarpanel nid wei verchoufe. so heimer üs us sicherheitsgründ entschide, scho chli früecher witer z'zie.

ca 260km vor cusco hets üs du när birä üble strass no beidi stossdämpfer hingä abbroche u mir hei e abetürlechi schlichfahrt nach cusco gha - natürli inkl. einisch im schlamm iigrabä, süsch wärs ja nid abetürlech gnue gsi, hihi.