valle de luna

ds valle de luna isch äs berüemts tal in nordargentinie, wo arä mondlandschaft glicht. äs het scho diversä fiume aus kulissä diänät.

da mä nid säuber i das tau inedarf, heimer üs entschidä, usnahmswiis mau e tag für waschächti touris z'gä. imne gfüerte konvoi ischs mitem ferdy ab dürs tau gange. was haut o derzue ghört, isch dr ranger u guide i eire person. mir heis natürli zum aueribeschtä bracht. mir nennänä juan-josé - äs originau! dä typ hetsech soooo gärn säuber ghöre schnure u het auso nur gaaanz wichtigi informationä uf lager gha, grins. dr juan-josé het üs dürnä richtig imposanti landschaft gfüert, das het üs mega gfaue. eifach dr abschaltchnopf für üsä überiifrig guide heimer nid gfungä :-). bire drüstündige tour isches nid unbedingt jedermanns wunsch, bi knapp 40 grad irgendwo ir sunne ds sta u am juan-josé sini jewils mindischtens 15 minutä längä monologä z losä.

mir wei nid lenger vor schönä landschaft schwärmä, sondern eifach äs paar biuder zeige, wo sicher me ussägä, aus ä ufsatz vo üs - enjoy it!